Пред да донесете одлука кога ќе дознаете дека партнерот ве изневерил, внимавајте на советите на експертите.
Експертите за врски велат дека прељубата е траума. Понекогаш се потребни две години за да се надмине, бидејќи неверството обично резултира со губење на довербата.
Тоа може да влијае и на вашето здравје, што доведува до губење на тежината или земање лекови.
Тоа е состојба која бара лекување, велат психотерапевтите.
Моментот кога ќе дознаете за невертсвото може да биде пресуден за тоа како ќе се поставите во новата ситуација. Експертот за врски Марти Клајн ги открива трите најлоши работи што можете да ги направите:
„Никој не треба да донесе голема одлука кога е навистина вознемирен. Сепак, и покрај тоа, луѓето секојдневно носат различни важни одлуки во агонија. Штом дознаат за измамата, велат дека сакаат веднаш развод и мора веднаш да им се каже на децата, не можат да си помогнат... Наместо тоа, одвојте време да размислите и да ги стабилизирате вашите чувства пред да донесете какви било големи одлуки, исто така, не објавувајте ги таквите информации на социјалните мрежи.
„Неверството може да биде толку дестабилизирачко што изневерените често бараат објаснување за да им помогне да го разберат тоа. Има многу страници каде луѓето ги споделуваат своите проблеми, но тие не помагаат. Честопати може дури да имаат спротивен ефект, односно, на изневерените да им биде уште потешко кога ќе ги читаат коментарите што ги оставаат другите корисници“, вели Клајн.
„Обидете се да не барате совет од оние кои и самите се мачат со истиот проблем, бидејќи тоа може да влијае на вашите емоции. Разбирливо е дека ќе имате прашања за вашиот партнер по изневерувањето. Сепак, една од најлошите реакции е да започнете ‘истрага’, барем кога се работи за информации кои не сте подготвени да ги знаете“, предупредува Клајн.