Сите ние понекогаш сакаме да се опуштиме со чаша од нашиот омилен алкохолен пијалак.
Меѓутоа, ако тоа стане навика, лекарите имаат лоши вести бидејќи пиењето алкохол е поврзано со неколку различни видови на рак. Тие исто така откриле дека консумирањето алкохол е поврзано со зголемен ризик од срцеви заболувања.
„Студиите покажуваат дека повеќето Американци не се свесни за поврзаноста помеѓу консумирањето алкохол и ракот. Јасно е дека е потребно дополнителна едукација“, вели онкологот Џејми Л. Копривникар.
Студија од 2020 година покажа дека алкохолот е поврзан со 4 проценти од сите нови дијагнози на рак во светот. Тоа можеби не звучи како многу, но всушност се работи за околу 740.000 случаи.
Центрите за контрола и превенција на болести (CDC) долго време советуваат дека пиењето алкохол го зголемува ризикот од рак на устата и грлото, рак на гркланот, рак на хранопроводникот и рак на дебелото црево, и дека пиењето три или повеќе алкохолни пијалоци дневно е поврзано со зголемен ризик од рак на желудникот и панкреасот.
„Иако консумирањето алкохол е вообичаен социјален феномен, тој ја зголемува изложеноста на канцерогени супстанци поврзани со ракот на дојката“, истакнува радиологот д-р Тома Омофоје.
Тој додава дека досегашните истражувања не утврдиле дека некој вид алкохол е побезбеден од другите.
Според CDC, ризикот од рак во суштина доаѓа од начинот на кој телата на луѓето го обработуваат алкохолот, разградувајќи го во хемикалија наречена ацеталдехид, која може непоправливо да ја оштети нашата ДНК. Бидејќи го контролира растот на клетките, оштетувањето на ДНК може да предизвика абнормалните клетки да растат, што резултира со тумори.
Плус, ако мислевме дека повремената чаша вино со вечерата е здрава, имајќи предвид дека постојат студии кои тврдат дека антиоксидансите во виното се здрави, лекарите имаат лоши вести и на тој план.
„Претходните студии беа погрешни, а поновите истражувања открија дека нема кардиоваскуларни придобивки поврзани со алкохолот. Само еден алкохолен пијалок на ден може да го зголеми ризикот кај поединецот за состојби како што се висок крвен притисок и неправилен срцев ритам“, заклучува д-р Копривникар.
