Од утре почнуваат преговори за нова влада помеѓу ВМРО-ДПМНЕ и коалицијата ВЛЕН (ВРЕДИ), кажа претседателот на БЕСА, дел од коалицијата ВЛЕН, Биљал Касами.
Касами рече дека ВЛЕН е победник во сите општини со мнозинско албанско население, а резултатот го препиша и на доаѓањето на иселениците.
„Коалицијата ВЛЕН е апсолутен победник кај Албанците“, изјави Касами.
Тој очекува да имаат број на пратеници колку и ДУИ.
Според досега пребројаните гласови, коалицијата ВЛЕН има 98.325 гласови, односно 11,03%, а Европскиот фронт на ДУИ, 126.171 глас, или 14,16%.