Шакира вчера беше фотографирана од папараците додека беше излезена со британскиот актер Лусјен Лависконт во Њујорк, откако одржа изненаден и бесплатен концерт на Тајмс Сквер.
Двајцата беа на вечера во италијанскиот ресторан Carbone, а колумбиската пејачка за оваа прилика избрала целосно црна модна комбинација.
Пред ова излегување, пејачката се појави на Тајмс Сквер каде што настапи пред 40.000 луѓе, а нејзината сет листа вклучуваше хитови како „Hips Don't Lie“ и „Te Felicito/TQG“.
Шакира ги изненади своите следбеници со „поп-ап“ концертот најавен само неколку часа претходно на социјалните мрежи.
Интимната вечера следеше откако ѕвездата од Emily in Paris Лусјен се појави во спотот на Шакира за „Punteria“.
Колумбиската пејачка претходно направи хаос на мрежите споделувајќи фотографии со Лависконт, а парот позираше во многу интимно издание.
Шакира неодамна проговори за „обнова“ на својот живот по разделбата со Жерар Пике. Таа претходно изјави дека се чувствува како да доживува ренесанса во кариерата, а нејзиниот долгоочекуван 12-ти студиски албум „Las Mujeres Ya No Lloran“ беше објавен на 22 март.
Говорејќи за Times, Шакира го опиша проектот како „трансформација на болката во креативност, фрустрацијата во продуктивност, гневот во страст, ранливоста во издржливост“.
