Македонија го заврши Европското првенство во Германија со победа од 29:27 над Швајцарија и го освои третото место во групата.
Поради повреда на првиот голман Никола Митревски, Мартин Томовски принудно се најде како прв избор за овој натпревар, додека на клупата влета третиот голман Марко Кизиќ.
Тоа се покажа среќа во несреќа за Македонија бидејќи Томовски го одбележа првото полувреме со своите бравурозни одбрани. Одбрани вкупни 7 од 16-те удари на Швајцарците, меѓу кои и пеналот на Андре Шмит.
Не заостануваше ниту неговиот колега од спротивниот табор, Никола Портнер, кој имаше 6 одбрани во првиот дел, кој пак го одбележаа малкуте голови.
Откако на почеток се играше гол за гол, а на двапати водеше Македонија, Швајцарија поведе со 3:2 сѐ додека Македонија не направи пресврт за 6:5. Потоа разликата се зголемуваше, а со 6-0 Македонците поведоа со 5 разлика, 10:5. Период на наши грешки во нападот ѝ дозволија на Швајцарија со серија од 3-0 да намали на 10:8, за потоа Томовски да овозможи ново одлепување, се стигна повторно до +5, а на пауза се замина со 13:9 откако Македонија не го реализираше последниот напад.
Дури 7 различни ракометари реазлизираа за Македонија во првиот дел, во кој немаше ниту едно исклучување бидејќи се играше во рамките на дозволеното, па молдавските судии немаа многу работа.
Второто полувреме почна со осмата одбрана на Томовски и прв неуспешен напад на Швајцарија, а Македонија врати со четвртиот гол на пикерот Жарко Пешевски.
Првото исклучување го заработи Иван Џонов во 37. минута, откако претходно Филип Талески го постигнаа својот прв гол на натпреварот, и тоа со одлично одработен цепелин од Томислав Јагуриноски.
Играчката предност Швајцарците веднаш ја искористија постигнувајќи три брзи гола, од кои два на празен гол, а последниот од голманот Портнер за 17:15.
Во вистински момент дојде исклучувањето на Лукас Лаубе, за Македонија да ја прекине швајцарската серија со голот на Петар Атанасијевиќ.
Се разбрани и Портнер кој со две одбрани во низа им овозможи на Швајцарците да намалат на само еден разлика, пред Милан Лазаревски да ја прекине серијата промашувања. Сепак во 51. минута дојде израмнувањето, 23:23, прво по оние 5:5 во првиот дел. Кизиќ го замени Томовски на голот и во вистински момент го одбрани пеналот на Мануел Цендер, кога Македонија беше со играч помалку, за да не дозволи Швајцарија да поведе.
Пресвртот што веќе некое време се наѕираше конечно се случи во 55. минута кога по грешка во нашиот напад Шмит отиде во контра и погоди еден на еден со Кизиќ за 24:25.
До крајот се играше гол за гол, со тоа што поведуваа Швајцарците. На крајот од 59. минута, при 27:27, Шмит загуби една топка во нападот, а Јагуриноски погоди од контра. Се чини клучна одбрана направи Томовски кога во следниот напад фати жива топка при ударот на Цендлер за израмнување, па Македонија го имаше последниот напад. Разбирливо, селекторот Лазаров побара тајм-аут. Македонците не задржуваа време, Митев брзо погоди за конечни 29:27 бидејќи Швајцарците веднаш потоа промашија.
За играч на натпревароѕт беше прогласен ветеранот Андре Шмит од поразениот табор, кој со 12 гола од 16 удари беше најефикасен на натпреварот. Воедно, Шмит со овој натпревар ја заврши кариерата и ќе седне на селекторското столче на Швајцарија.
Одличниот Томовски на крајот имаше 12 одбрани и 36,36% успешност. Најефикасни кај Мкаедонија беа Марко Митев и Ненад Костески со по 5 гола, а вкупно десетмина се запишаа во листата на стрелци.
Македонија со оваа победа не сњамо што ја смени сликата од ова ЕУРО, туку и го освои третото место во групата, што е важно за конечниот пласман и привилегирана позиција во жрепката за пласман на Светското првентсво 2025.
