Започна одбројувањето на последните денови до големиот концерт на Северина, кој ќе се случи на 30 март во СЦ „Борис Трајковски“ во Скопје.
Сѐ е подготвено за овој спектакл, а непосредно пред нејзиното доаѓање тука во Скопје, хрватската пејачка објави видео на социјалните мрежи присетувајќи се на еден нејзин настап на „Златна бубамара“ од далечната 2014 година, каде што на сцената настапи заедно со легендарниот Влатко Стефановски.
Северина го објави видеото, а под истото напиша: „Секоја средба со Македонија остава длабока трага во моето срце. Првенствено од луѓето, храната, посебните концерти, големите светски уметници, како што е Влатко Стефановски. Ти благодарам Македонија и се гледаме во Скопје на 30 март во Арена 'Борис Трајковски', ќе биде тоа концерт за душа“.
„Концерт за душа кој никако не смеете да го пропуштите. Концертот е речиси распродаден, останати се уште многу мал број на влезници. Затоа побрзајте и веднаш обезбедете ја вашата“, информира организаторот на концертот.
