Од Microsoft известуваат дека втората тест верзија на Internet Explorer 8 ќе излезе во текот на август годинава. Оваа бета верзија ќе биде спакувана со повеќе функции во однос на првата верзија за тестирање, која и онака беше наменета исклучиво за развивачките тимови на овој софтвер.
Што се однесува на новата верзија на Internet Explorer, од Microsoft сеуште не прецизираат точен датум на објавување. Но, со оглед на целата возбуда, популарност и нетрпение кое се создава околу излегувањето на новата верзија на Firefox, компанијата на Гејтс сигурно ќе ја забрза работата и ќе се обиде максимално да ја испочитува својата најава за излегувањето на новата бета верзија летово, како и финалната верзија на овој интернет прелистувач.
Оваа информација е презентирана како една од последните големи најави на Бил Гејтс како претседател на компанијата, кој, како што е веќе познато, планира да се повлече следниот месец.
Преземање на првата бета верзија на IE 8.
Петок, 06.06.2008
