Samsung конечно го објави i900 Omnia, моделот за кој долго време се шпекулираше. Oвој Windows Mobile уред ќе биде силна конкуренција на новата 3G верзија на iPhone.
Samsung ги објави и техничките карактеристики, иако уредот ќе ја доживее официјалната промоција во Сингапур дури на 17-ти јуни. Базиран на Windows Mobile, Samsung i900 има 3.2 инчен WideQVGA дисплеј (240 х 400 пиксели), камера со резолуција од 5 мегапиксели со автоматски фокус и детекција на лице, плус опција за панорамско фотографирање. Геотагирањето е уште една од опциите на камерата, а i900 има и вграден GPS приемник.
Samsung i900 Omnia е тенок само 12.5 милиметри, а металните делови на кужиштето му даваат префинет изглед. Формата и димензиите се скоро идентични со iPhone, а еве и уште една сличност - Samsung i900 Omnia доаѓа со иста внатрешна меморија, 8GB и 16GB, но со таа разлика што има и слот за мемориска картичка.
Благодарение на вградениот акцелерометар, корисничкиот интерфејс го ротира приказот на дисплејот во зависност од положбата на телефонот, исто како кај iPhone. Присутна е и поддршка за Wi-Fi мрежи, плус HSDPA 7.2 Мbps.
Понеделник, 09.06.2008
