Hyundai го исфрли првиот тродимензионален телевизор на јапонскиот пазар, преку кој можат да се следат посебни кабловски канали со тродимензионална програма.
Телевизорот кој засега се продава исклучиво во Јапонија бара користење на посебни 3D наочари и чини околу 4.000 долари. Моментално, кабловските оператори во јапонија пуштаат специјална тродимензионална програма само четири пати дневно и тоа најчесто од спортски натпревари.
Според кабловските оператори во Јапонија, најбитното за развојот на оваа технологија се новите содржини и учеството на другите големи компании во производството на уредите. Гледачите во Јапонија покажуваат голем интерес за 3D каналите, но многу од нив немаат соодветен телевизор.
Според најавите од Hyundai, во скоро време не постојат планови технологијата да се појави и надвор од Јапонија.
петок, 20.06.2008
