Sony Ericsson претстави модел на мобилен телефон кој првенствено им е наменет на гејмерите. Моделот F305 има тастатура прилагодена за играње, како и сензори осетливи на движење за управување со игрите.
Според Sony Ericsson, оваа компанија и претходно има користено технологија за чувствителност на движења, а сега ја имплементирале како начин за управување со игрите.
F305 е слајдер телефон со поддршка за 3D графика, кој додека се играат игри се држи хоризонтално. Со него доаѓаат три преинсталирани игри, а повеќе од 50 игри можат да се симнат од Gameloft.
Освен опцијата за гејмери, телефонот има и поддршка за Bluetooth, EDGE и прелистувач на интернет страници. На пазарот би требало да се појави од септември по сеуште непозната цена.
Вторник, 24.06.2008
