Nikon конечно го претстави долго најавуваниот нов модел на дигитален SLR апарат D700, кој многумина веќе го нарекуваат D3 во мало пакување.
Имено, овој дигиталец доаѓа со фул-фрејм сензор од 12.1 мегапиксели, каков што е вграден во моделот D3, а во однос на овој модел D700 има помало и полесно куќиште. Исто така, D700 носи и други опции од D3, од кои некои се и надградени, па така има 51 точка на автоматскиот фокус, кој е надграден со 3D ficus tracking и Live view.
Исто така, вграден е и механизмот за чистење од прашина од моделот D300, поддршка за GPS и HDMI порт, а ISO чувствителноста се движи во распон од 100 до дури 25.600.
Nikon D700 во САД ќе може да се набави уште овој месец по цена од 2.999 долари.
Сега, се очекува потег на Canon и појавување на 5D Mark II како одговор на Nikon.
Вторник, 01.07.2008
