AMD претстави два нови процесори од серијата Phenom: X4 9950 BE и X4 9350e. Станува збор за четиријадрени процесори, од кои првиот е најбрзото нешто кое моментално AMD може да го понуди.
Според првата рецензија на Hot Hardware, станува збор за солидни процесори, кои за жал сепак не нудат ништо ново.
Phenom X4 9950 BE (ова BE значи Black Edition) е моментално најбрзиот процесор од понудата на AMD. Работи на 2.6 GHz и за околу 4% е побрз од претходниот најмоќен процесор на AMD - X4 9850, но воедно е и многу поспор од најмоќниот процесор на Intel - Core 2 Extreme QX9650.
Процесорот не е премногу скап - 245 долари, но троши повеќе енергија од Q6600 на Intel, кој е тука некаде според перформансите.
X4 9350e работи на 2.0 GHz и постигнува послаби резултати, но поради цената од 195 долари ќе биде привлечен за корисниците кои не се толку пребирливи, а сакаат да имаат четиријадрен процесор.
Среда, 02.07.2008
