На членовите на некогаш најпопуларната група на светот им недостига мотивација за повторно здружување и не им е до пари, па одлучија да не се појават повторно на сцената. Сакаат публиката да ги запамти какви што беа во времето на популарноста.
"Нема никогаш повеќе да се појавиме на сцената, едноставно ни недостасува мотивација за повторно здружување", изјави членот на АВВА Бени Андерсон за Sunday Telegraph.
"Парите не ни играат никаква улога, ние едноставно сакаме на луѓето да им останеме во сеќавање какви што бевме", додаде.
Во 70-те и 80-те година, АВВА беше една од најпопуларните групи на светот, со хитови како Dancing Queen, Mamma Mia и Money, Money, Money. Квартетот се растури во 1982.
Членовите на групата се собраа минатиот петок во Стокхолм, на покана на американската актерка Мерил Стрип. Причината беше предпремиерата на филмот Mamma Mia, во кој глуми Стрип.
Понеделник, 07.07.2008
