Традиционалните тапи и карактеристичниот звук кој го создаваат при нивното вадење од винските флаши веќе стануваат работа од минатото.
Производителите на вино во светот се повеќе употребуваат капачиња на завртување наместо тапи. Во Нов Зеланд речиси во 90% од случаите не се користат тапи, додека во Австралија цифрата достигнува до 60%.
Дури и двата најпознати француски производители на вино -- Domaine de la Romanée-Conti во Бургундија, чии вина се продаваат по десетици илјади евра, како и легендарниот Chateau Margaux од Бордо -– ги тестираат новите капачиња наместо тапи.
За двата врвни производители ова е многу чувствително прашање да коментираат подетално, но генералниот директор на Chateau Margaux, Paul Pontallier, потврди дека Bordeaux Domaine ги испробува капачињата последниве пет години. Меѓутоа, прерано е да се даде дефинитивен одговор дали двата врвни француските производители ќе се преориентираат.
Другите француски призводители како Jean-Claude Boisset, веќе почнаа да употребуваат капачиња наместо тапи за своите врвни десертни вина вклучувајќи за Chambertin grand cru 2005, кое се продава за £100 по флаша.
Се очекува годинава, тој да употреби капачиња за една третина од произведените вина или 200.000 флаши.
"Почнавме со капачињата за најдобрите десертни вина бидејќи сме убедени дека капачињата се перфектно решение за оние вина кои треба да “стареат’’ подолго време, затоа што капачињата го штитат виното од оксидација подобро отколку тапите. Не велиме дека тапите се лоши, туку дека капачињата се подобро решение’’ изјави Gregory Patriat, менаџерот за флаширање во фирмата на Boisset.
Среда, 09.07.2008
