По часови, па и денови чекање пред продавниците, првите сопственици на новата верзија на iPhone сега веќе (најверојатно) задоволно спијат со својата нова играчка под перницата.
До новата верзија на iPhone први успеаа да дојдат во Нов Зеланд и Јапонија, а пред продавницата на Apple во Токио до полноќ се собраа околу 1.500 луѓе.
Со обзир на побарувачката, се предвидува дека компанијата на Џобс до крајот на годинава би требала да продаде околу 10 милиони уреди од новата верзија, заедно со веќе продадените шест милиони парчиња од старата верзија, со што на големо би требало да ги надмине првичните очекувања.
А колку се луѓето луди по овој уред покажува примерот од Лас Вегас каде еден iPhone ентузијаст платил дури 1.200 долари на друг човек да чека во редот пред продавницата на Apple, за да го купи телефонот без чекање.
Петок, 11.07.2008
