Вторник, 15.07.2008 | 10:05
Во моделот на паметен телефон кој е во најава, Samsung натрупа толку многу можности, па навистина е тешко да се пронајде нешто што нема, а меѓу сите нив се истакнува камерата со резолуција од дури 8 мегапиксели.
Иако во поглед на дизајнот моделот i850 не е нешто револуционерен (станува збор за прилично стандарден модел на лизгање, додуша со голем дисплеј), телефонот може спокојно да и парира на конкуренцијата во поглед на можностите и опциите.
HSDPA, вграден GPS, Wi-Fi, FM радио и дури 16GB простор за податоци, кој може дополнително да се прошири со microSD картичка.
Дисплејот има големина од 2.8 инчи и прикажува 16М бои, а опереативниот систем ќе биде Symbian 9.3 со s60 UI кориснички интерфејс.
Камерата од осум мегапиксели има LED блиц и може да снима видео со квалитет од 120 фрејмови во секунда.
Се на се, станува збор за модел за оние корисници кои мораат да имаат се - недостасува само датумот кога официјално ќе се најде во продажба, како и цената.
