Motorola со сите сили се труди да ја повтори популарноста на слaвниот MOTORAZR, па го лансираше новиот супермобилен ROKR E8, кој поседува одличен дизајн и напредни опции. Користејќи ја фантастичната технологија MakeShift, ROKR E8 во еден момент ги покажува само копчињата кои ви се потребни. ROKR E8 ја има способноста за секунда да се претвори од мобилен во MP3 плеер и обратно.
Кога ќе се изгаси телефонот, површината станува мазна, а копчињата не се гледаат. Кога ќе се вклучи, на предната страна се појавува виртуелна нумеричка тастатура. Со еден допир на виртуелното “музичко” копче, нумеричката тастатура ја снемува и на нејзино место се појаувуваат командите за контрола на музичката содржина - play, pause, fast forward и rewind.
За разлика од вообичаените виртуелни тастатури, ROKR E8 на допир реагира со вибрација или мали движења, со што добивате чувство дека сте стиснале вистинско копче.
ROKR E8 има Fastscroll, навигациско тркалце кое на коирсиниците им овозможува лесен преглед на меморираната содржина во уредот.
Со едно свртување на палецот можете да помините низ музичката датотека, контактите, календарот и мултимедијалната содржина.
Кога е во функција на MP3 плеер, ROKR E8 репродуцира звук во тродимензионална стерео опција. Телефонот има вграден звучник, а музиката можете да ја служате и преку Bluetooth или обични слушалки. Уредот има 2 GB интерна меморија, а се надополнува со микро SD картица.
