MyCar - нов автомобил на електричен погон

Постојаниот пораст на цените на горивото уште повеќе ги поттикна произведувачите на електрични автомобили, а како резултат на тоа го имаме најновото дело на дизајнерот Giugiaro, наречено MyCar.

MyCar на прв поглед не изгледа премногу примамливо, но бидејќи се работи за уште еден од низата електрични автомобили, за неговиот можен успех сеуште е рано да се зборува.

Изгледот на MyCar можете да го споредите со автомобил за голф. Полнењето трае шест до осум часа, а максималната брзина која овој автомобил може да ја постигне е 64 км/ч. Тоа значи дека ова не е возило со кое можете да лудувате, туку автомобил кој е замислен да ве однесе од една на друга локација во градот.

Компанијата Nice Car Company која го произведува MyCar тврди дека возилото ќе има опсег од 65 километри. Цената е прифатлива и изнесува 8.995 фунти. Во стандардната опрема е вклучена и сателитска навигација како и Bluetooth.

Произведувачот се надева на зголемена продажба по промоцијата на лондонското авто шоу, посебно во Лондон, каде паркингот за електричните автомобили не се наплатува.