Сабота, 02.08.2008 | 11:27
Два тима хирурзи специјализирани за трансплантација, успешно ја завршија 15 часовната операција на телото на еден несреќен земјоделец, спојувајќи му пар раце. Ова е прва операција од ваков вид.
Германските хирурзи успеаа на еден 54 годишен маж да му ги трансплантираат двете раце. Од универзитетската клиника Klinikum rechts der Isar на минхенскиот Технички универзитет каде е извршена трансплантацијата, со гордост велат дека се работи за прва ваква трансплантација во светот.
За време на 15 часовната операција, тимот од 40 хирурзи му ги вратил двете раце на пациентот - земјоделец, кој во несреќа пред шест години ги загубил двете раце до рамената.
По извршената операција, пациентот се чувствува добро. Претходно, несреќниот Германец на двапати се обидел со протези да ја надокнади загубата на рацете, а кога тоа не му успеало, се обратил на клиниката во Минхен.
