Четврток, 07.08.2008 | 14:23
ФБИ објави дека научникот Брус Ајвинс е одговорното лице за испраќање писма со антракс во текот на 2001 година. Ајвинс се самоуби пред да биде покренато обвинение против него.
Брус Ајвин, кој бил вработен во воената лабораторија Форт Детрик во Мериленд, испраќал писма со антракс по терористичките напади во Америка во 2001 година, поради што пет лица починаа, а 17 беа инфицирани.
“Осврнувајќи се на вкупните докази што ги имаме против него, сигурни сме дека доктор Ајвинс бил единственото лице одговорно за тие напади“, рече државниот обвинител во областа Колумбија Џефри Тејлор.
