Понеделник, 11.08.2008
Volkswagen ги објави официјалните фотографии од шестата генерација на Golf. VW остана доследен на идејата да не експериментира премногу со дизајнот на својот бестселер, со што шестката останува "народно возило".
Новиот Golf е подолг, поширок и понизок во однос на петката, која беше претставена уште во 2003 година, а јасно се гледа дека некои од дизајнерските решенија се позајмени од неодамна лансираниот Scirocco.
Палетата на мотори е пребогата, а меѓу добро познатите агрегати има и новитети како 1.2 TSI со 80 и 105 КС, како и 1.2 TDI со 75 КС.
Премиерата е најавена за во октомври, а Volkswagen се надева дека ќе продаде 600.000 возила од новиот модел во 2009 година. Во Германија, најефтиниот модел ќе чини 16.500 евра.
Минатата година, VW продаде 580.000 примероци од Golf 5, а од почетокот на производството од 1974 година, има продадено повеќе од 26 милиони возила Golf.
