Среда, 13.08.2008
Производството на автомобилот „Југо“, кој беше симбол на многу генерации во поранешна Југославија (како и инспирација за многу вицови), од идната година (конечно) ќе престане.
Со инсталирањето на новата технологија на „Фиат“ во фабриката во Крагујевац ќе престане производството на сите модели на „Застава“.
Српската фабрика единствено ќе биде законски обврзана во наредните седум години да произведува резервни делови за своите „олдтајмери“.
Конечната одлука за престанување на производството на „Југо“ и останатите модели на Застава“ треба да биде донесена на есен, по финализацијата на договорот со „Фиат“.
„Југото“ беше единствениот самостоен производ на српската фабрика, додека преостаните „фиќо“, „101“, „флорида“ и другите беа реплика на италијанскиот гигант.
