Историја на холивудски начин

Недоволните информации кои се достапни во историските учебници, најчесто се темелат на приказни и народни легенди. Поради тоа, грешките при екранизацијата на настаните од историјата се неизбежни. Ова се најголемите грешки и киксови направени во историските филмови.

Иако припадник на реализмот, режисерот Роланд Емери во својот блокбастер "10.000 B.C." се обиде да не убеди дека влакнестите мамути помагале во градењето на пирамидите, иако тие воопшто не живееле во пустините. Во тој случај, нормално, крзното би било непотребно. Освен тоа - првите пирамиди се изградени во 2.500 година пред Христос.

Владетелот Комодус не бил ниту приближно сличен со неговата филмска екранизација, која претставува корумпиран владетел опседнат со сопствената сестра.

Тој не го убил сопствениот татко Марко Аурелие, ниту пак загинал во борба во арена. Комодус бил убиен во када.

Режисерот на филмот кој ја прикажува битката кај Термопил, очигледно во потрага на атрактивност, си допуштил премногу стилска слобода. Иако спартанскиот совет го сочинувале луѓе постари од 60 години, во филмот е вметнат и младиот Терон кој го глуми 37 годишниот Доминик Вест. А спартанските војници во борба влегувале со бронзени оклопи, а не во кожни Speedo гаќички.

Јапонците во 19-от век вработувале странци кои им помагале во модернизација на војската, но тие не биле Американци туку воглавно Французи. Ликот на Ватанабе е базиран на судбината на Сајге Такамори кој извршил ритуално самоубиство или "seppuku". Исто така тешко е да се поверува дека воен ветеран и алкохоличар би можел толку вешто да владее со самурајски меч.

Заради овој филм на многу антрополози им се дига косата на главата. Цивилизацијата на Маите навистина придавала човечки жртви, но не на богот на сонцето Кулкилкан. Само војниците со највисоки чинови биле жртвувани, а не останатите воини и заробеници. Конквистаторите кои на крајот на филмот го спасуваат населението баш и не се најдобриот избор. Историските факти говорат дека околу 90% од Американците умреле од мали сипаници добиени од заразена стока.

Преминот на една млада гејша во "мицуаге" фазата се означувало со промена на шминката и облеката, а не со интимниот однос со клиентот како што е покажано во филмот. Сцената во која Сајури накитена со вештачки снег ја покажува својата верност преку танц, со платформите и трепкачкото светло повеќе наликува на Studiо 54 отколку на Кјото пред војната.

Дури и да го отфрлиме фактот дека килтовите се носеле во Шкотска дури 300 години после Вилијам Валас, математиката не можеме да ја занемариме туку-така. Според филмот, Валас ја завел жената на Едвард II, Изабела од Франција, и како резултат на нивната афера се рoдил Едвард III. Историската вистина пак не учи дека Изабела имала три години кога плавоокиот јунак победил во битката кај Фалкирк, а дека Едвард III, се родил седум години по смртта на Валас.

Во 1585 година, кога се одвива сценариото на овој филм, кралицата Елизабета имала 52 години, а Кејт Бланчет кога го снимаше филмот имаше 36 години. И секако, Иван Грозни не и се додворувал затоа што тој тогаш бил мртов. Филмската кралица во Тилбури јава бел коњ како што јавале мажите - во полн околп со меч, но факт е дека Елизабета јавала на женско седло, на една страна, и носела жезло.

Вистинскиот лик на Френсис Мерион послужил како основа за ликот на Мел Гибсон. Сепак, тој воопшто не бил фамилијарен човек каков што се обидува филмот да го прикаже. Бил газда на робови, кој не се оженил со својата роднина додека не завршила војната. Историјата бележи дека за време на својот живот ловел и убивал Чироки Индијанци.

Според овој култен филм, до 2001 луѓето веќе би требало да патуваат на Јупитер, надмудрувајќи се со компјутерите кои прилично еволуирале и имаат чувства. Зар треба ли воопшто да се спомнува колку Стенли Кјубрик не бил во право?