Вторник, 19.08.2008 | 11:16
Фокусирајќи ги моќните Х зраци на вирусот на херпесот, научниците од Универзитетот во Калифорнија успеаа да направат прва чиста тродимензионална слика на вирус. Техниката наречена микроскопска дифракција на Х зраци би можела да им помогне на докторите во развивањето на лекови против вирусите.
Џон Миао од Универзитетот UCLA кој е главен истражувач на овој проект и неговите колеги користеле синхотрон - моментално најсилниот на свет уред кој произведува Х зраци и кој се наоѓа во Јапонија.
"Го избравме вирусот на херпесот бидејќи е нешто поголем од другите вируси (од 100 до 200 нанометри), но и поради неговата значајна улога во медицината. Го ставивме вирусот во синхотронот, ги вперивме зраците во примерокот, а камерата и компјутерот ја составија сликата", објаснува Миао.
Со тоа, Миао и неговите колеги всушност ја направија првата чиста фотографија на вирус. Слична верзија на технологија позната како кристалографија на Х зраци е користена со години за откривање на структурата на протеините, вклучувајќи ја и двократната сприрала на ДНК.
"Фотографиите добиени со другите техники не беа доволно чисти и јасни. Исто така, за време на процесот на снимање на клетките и вирусите, често се случуваше да бидат уништени важни информации", истакна Миао.
