Петок, 22.08.2008 | 10:25
Овошните сокови содржат хемиски соединенија поради кои не е препорачливо да се конзумираат во комбинација со одредени лекови, предупредуваат американските научници.
Американските научници откриваат дека некои состојки во соковите од портокал, јаболко и грејпфрут може да ја попречат апсорпцијата на лековите за крвен притисок и алергии. Соковите од овие овошја можат да го преполоват дејството на антихистаминот фексофенадин, тврди тимот од Универзитетот во Онтарио.
Клучот е во нарнигинот - активната состојка на џусовите, која го блокира механизмот со кој молекулите на лекот од тенкото црево стигнуваат во крвотокот, па поради тоа некои лекови веќе содржат предупредување да не се земаат со сокови.
До сега е откриено и дека овие три сокови влијаат и на етопозидот, состојка на хемотерапијата, на некои бета-блокери со кои се третира високиот притисок и на циклоспоринот кој го земаат пациентите по трансплантација.
