НБМ даде дозвола за продавање на ИК Банка

Народната Банка на Македонија и даде согласност на холандската Демир-Халк Банка АД за стекнување на над 50 насто од акциите на Извозна и Кредитна банка АД Скопје (ИК банка).
           
Трансакцијата, како што соопшти кабинетот на Гувернерот на НБМ, треба да се изврши во рок од 180 денови од добивањето на согласноста.
           
Демир-Халк Банка работи во Холандија од 1992 година. 70 насто од акциите се во сопственост на финансиската холдинг компанија HCBG Holding BV, а останатите 30 ги поседува Turkiye Halk Bankasi A.S (Halkbank).
           
Банката има седиште во Ротердам, претставништво во Турција и филијали во Холандија, Германија и во Белгија.
           
Според финансиските извештаи за 2007 година банката има финансиски потенцијал од 1,9 милијарди евра, капитал од 211,6 милиони евра и финансиски резултат од 18,7 милиони евра.