Шер, новата жена мачка

Вторник, 26.08.2008 | 10:40

Режисерот на новиот Бетмен сака да направи тотална спротивност на досегашниот приказ на главниот женски лик и да ја претстави како остарена фем фатал. Првиот избор му е 62 годишната Шер.

Иако во последните неколку месеци како најизгледна кандидатка за улогата на жената мачка во новото продолжение на Бетмен се спомнуваше Анџелина Џоли, се шушка дека режисерот Кристодер Нолан одлучил да направи тотален пресврт во приказот на овој лик.

Како што тврди британскиот Telegraph, 62 годишната пејачка и актерка Шер е првиот избор на Нолан за оваа улога, и ќе биде тотално спротивна од Мишел Фајфер и Хали Бери кои претходно се појавија во оваа улога.

Првата Жена мачка беше Џули Њумар, која се појави во ТВ серијата во шеесетите. Стрип хероината ја глумеа уште и Ерта Кит, Ли Мериведер, Мишел Фајфер и Хали Бери.

Најновото продолжение го носи работниот наслов "The Caped Crusade", a снимањето започнува во Ванкувер на почетокот од наредната година. Се шушка дека во улогата на Енигма ќе се појави и Џони Деп.