Internet Explorer 8 пристигнува во ноември

Среда, 27.08.2008

Осмата верзија на популарниот Internet Explorer ќе се појави во својата втора бета на 28 август, а финалната верзија на "осмицата" пристигнува во ноември.

Според пишувањата на доверливите блогери на ZDNet, ова се проверени и сигурни информации. Освен тоа, новиот Explorer ќе има вградено и опционален "порно мод" кој ќе се грижи за вашата сигурност и прикривањето на вашите лични податоци во текот на сурфањето на експлицитните страници наменети за возрасни.

Internet Explorer 8 Beta 2, до крајот на овој месец ќе биде достапен за преземање и користење, исто како и неговиот претходник Beta 1. Надградбата на Internet Explorer ќе биде достапна и преку Automatic Updates, а прелистувачот е компатибилен со XP, Vista, Server 2003 и 2008.

Microsoft веќе најави дека новиот Internet Explorer ќе ги "почитува" сите веб стандарди (што не беше случај кај неговите претходници), а со тоа драстично ќе ја олесни работата кај сите веб-мастери и ќе придонесе за искоренување на погрешното рендерирање на одредени веб страници прикажани од различни интернет прелистувачи.