Среда, 27.08.2008 | 12:08
Eте, и тоа се случи - првиот мобилен со вистински проектор се појави на пазарот. И кој друг, ако не повторно Кинезите?
Производот на кинеската компанија Epoq има прилично сиромашни технички спецификации: освен проекторот кој на рамна површина може да прикаже слика со дијагонала од 30 инчи, тука се и дисплејот на допир и видео излезот. Но, камерата има резолуција од само 1.3 мегапиксели, а од трансфер на податоци присутен е само GPRS.
Сепак, тоа што повеќето ќе ги одврати од купување е фактот што Epoq EGP-PPO1 е чиста копија на iPhone, со скоро идентичен интерфејс и корисничко мени.
Сепак, интересно е да се види дали е можно да се има вистински проектор во толку мал уред како што е мобилниот телефон. Можеби еден ден и проекторот ќе стане стандардна опрема кај мобилните телефони.
