Параолимпијците заминуваат на Олимпијадата

Сабота, 30.08.2008

Македонската параолимпијска експедиција заминува денеска заминува за Пекинг на 13-те Параолимписки игри кои почнуваат идната недела.

 Македонија ќе учествува со стрелачите Накова-Бикова и Ванчо Каранфилов, кои ќе се натпреваруваат во три дисциплини и се надеваат на добри резултати.

Ова е најмалата домашна параолимписка екипа која ќе учествува на ваков голем спортски настан.

"Не можам да ветам ништо. Ќе се потрудам тоа што знам да го правам да го направам најдобро што можам", изјави пред заминувањето за Пекинг Бикова.

Нејзиниот колега  Каранфилов изрази надеж дека ќе успее да се пласира во финалето.

Параолимписките игри ќе се одржат од 6 до 17 септември, а ќе учествуваат околу 4.000 натпреварувачи од 150 држави.