Понеделник, 01.09.2008
ФБИ го уапси човекот кој во јуни на својата страница понуди бесплатен даунлоуд на Chinese Democracy, новиот албум на Guns N' Roses, чие излегување се очекува со години.
Кевин Когил (27) е уапсен во Лос Анџелес поради кршење на авторски права, два месеци откако песните од долгоочекуваниот албум на Guns N' Roses ги пушти како бесплатен даунлоуд на својата веб страница.
Кевин на суд признал објавување на 9 песни, од кои три се целосно непознати за јавноста. Обвинителите утврдиле дека објавувањето на песните ќе предизвика големи финансиски загуби за групата, иако Когил брзо го отстранил албумот од својата страница.
Одредена му е кауција од 10.000 долари, а пред судот повторно ќе се појави во средината на септември. засега, сеуште не е познато како Когил стигнал до албумот.
