Сопрано се ожени

Вторник, 02.09.2008
Марија Андреева

Актерот Џејмс Гандолфини од популарните "Сопранови" и неговата девојка Дебора Лин ја озаконија нивната врска на свадбената церемонија која се одржа во неделата во Хонолулу.

46 годишната ѕвезда на “Сопранови“ и неговата девојка се венчале во Централната црква во родниот град на невестата. На свадбената церемонија присуствувале најблиските пријатели и роднини на парот во чие присуство ги размениле прстените и се заколнале на вечна љубов.

Лин била облечена во италијански фустан од тантела, додека Мајкл,синот на Гандолфини од претходниот брак, бил негов кум.

По завршувањето на церемонија и разменувањето прстени, парот со долга бела лимузина се упатил кон прославата по повод свадбата,која се одржала во некое од околните одморалишта.

Џејмс Гандолфини и Дебора Лин беа свршени од 2007 година.