Четврток, 04.09.2009
Помина речиси една година од шокантната смрт на Колин Мекри, легендата на рели трките и авто-спортот, кој го загуби животот во хеликоптерска несреќа заедно со уште три други лица, меѓу кои беше и неговиот 4-годишен син.
Во чест на Колин, речиси 1.100 Subaru возила се собраа пред неговата резиденција во Шкотска. Конвојот од возила кој се протегаше 30 милји и помина 9 часа пат (речиси 300 милји) за да стигне до главната зграда на Prodrive, цело време беше придружуван од многубројните фанови на Колин Мекри кои ги поздравуваа учесниците со ракоплескање и емотивни извици.
Вкупно 1.086 Subaru возила, предводени од оригиналната Impreza од 1996 која ја возеше Мекри, се синхронизираа и на автопатот испишаа COLIN MCRAE заедно со шкотското знаме.
Спектакуларниот настан и сруши два гинисови рекорди. Едниот за најголем знак испишан со автомобили, а другиот за најголемата автомобилска парада во светот.
