ДПА: Селмани прави голема грешка

Четврток, 04.09.2008

Потпретседателот на Демократската партија на Албанците Бесим Догани, изнесувајќи го партискиот став во врска со најавите дека доскорешниот потпретседател Имер Селмани ќе ја напушти партијата и ќе формира нова, истакна дека таквиот потег е голема грешка.

- Тоа во демократските општества и во демократијата е нешто дозволено, нешто сосем легално. Ние не му спориме на господинот Имер Селмани да мисли поинаку и да делува поинаку, но, сепак мислиме дека во овој момент таквиот потег е голема грешка, рече Догани.

Тој не очекува дека таквиот потег на Селмани ќе доведе до поделба на пратеничката група на ДПА.