Сулејман Гаши нема да биде дипломатски претставник на Косово во Вашингтон, се истакнува во соопштението на косовската Влада.
Во соопштението се наведува дека власта ги разгледала и ги оценила околностите кои го попречуваат господинот Гаши да ја врши задачата за која е предложен во рамките на дипломатската мисија на Косово во Вашингтон.
Косовската Влада потцрта дека е максимално ангажирана во најкус можен рок да најде замена за Гаши. Тој беше еден од десетте дипломатски претставници на Косово кои претседателот Фатмир Сејдиу ги назначи деновиве.
