Петок, 05.09.2008
Во Брисел ќе поставам нов светски рекорд на 100 метри, самоуверено изјави најбрзиот човек на светот Усеин Болт, пред вечерашниот атлетски митинг во главниот град на Белгија.
На последното големо атлетско натпреварување во сезоната, Јамајканецот ќе се обиде да го собори најдобриот резултат на сите времиња на најкратката спринтерска патека.
- "Ќе се обидам да го подобрам својот рекорд (9,69) кој го поставив на Олимпијадата. Годинава остварив највеќе што може да се оствари во кариерата, а би можел да бидам и подобар доколку излезам како победник од трката во Базел", изјави Болт.
Најлути ривали во вечерашната трка ќе му бидат сонародникот Асафа Пауел и Американецот Тајсон Греј. Пауел минатата недела на митингот во Лозана истрќа 9,72 секунди, што е идентиќно со претходниот светски рекорд, кој Болт го собори на митингот во Њујорк пред четири месеци.
