Сабота, 06.09.2008
Западните земји мора подобро да се подготват за идните сајбер напади на своите информатички мрежи, особено после нападите во Естонија и Грузија, предупредуваат стручњаците на една IT конференција во Талин.
"Светот конечно се разбуди и започна да сфаќа дека сајбер безбедноста е исклучиво сериозна работа", изјави Март Лаар, екс-премиер на Естонија и советник на грузискиот претседател Михаил Саакашвили.
Минатата пролет естонската интернет мрежа, која патем е доста развиена, беше целосно парализирана заради организиани хакерски упади, кои претежно доаѓаа од Русија. Нападот временски се поклопи со бунтот на Русите во Естонија кои беа незадоволни од преместувањеto на споменик на еден советски војник.
Минатиот месец серверите на грузиската влада беа подложени на слични напади, кои избија точно во моментите кога дојде до вооружен судар помеѓу руските и грузиските сили.
"Сајбер нападите против Грузија минатиот месец, само ни докажуваат дека овој тип на војување е составен дел од вистинската војна на теренот", додаде Лаар.
