Сместувањето во студентските домови под нивото

Субстандардни услови за сместување во студентските домови. Искршени врати, руинирани тоалети, стари кревети ова се условите во кои учат идните академски граѓани.Сепак студентите се задоволни - велат со оглед на цената која ја плаќаат добро е, може само да се инвестира во тоалетите.

- Веќе со години не е инвестирано во студентските домови. Тие плаќаат 3000 денараи за сместување од кои 1000 за престој и 2000 за храна - изјави Самоил Малчевски, претседател на студентски парламент.

- Супер ми е на мене,си се сместив и баш ми е убаво. Може само малку околу тоалетите да се поработи - рече еден студент.

- Па и ние студентите слабо водиме грижа за самите соби - вели друг студент.

За десетина дена околу 300 студенти ќе може да се сместат во новата машка зграда во студентскиот дом Стив НАумов.Малчевски тврди дека собите се добиени регуларно.

- Од оваа година аплицирањето за сместување е електронски,што го исклучува човечкиот фактор во мешање и местење за издавањето на соби - изјави Малчевски.

Подобри услови студентите можат да очекуваат дури наредната година кога е најавена реконструкција на Студентскиот дом Гоце Делчев и санација на другите домови.