Музејот на македонската борба готов до јуни 2009-та

Изградбата на Музејот на македонската борба и на жртвите на комунизмот ќе биде комплетно завршена во јуни наредната година, а на почетокот на 2010 година и изградбата на Стариот музеј во Скопје, најави денеска премиерот Никола Груевски по посетата на локациите каде се градат овие два објекти.

- Како што дознав од лицата кои се задолжени за реализација на изградбата, во текот на јуни наредната година комплетно ќе биде завршен Музејот на македонската борба, додека во март истата година ќе биде завршена карабината на Стариот театар. Потоа ќе останат да се завршат ентериерот и механиката на сцените, така што се очекува кон крајот на годината или на почетокот на 2010 тој да биде пуштен во употреба, изјави премиерот Груевски.

Тој додаде дека  откако биле надминати помалите проблеми што се појавиле со изградбата на Стариот театар, сега непречено се реализираат изградбите на двата објекти и оти сите активности се завршуваат во рамките на планираното.