Microsoft Office добива онлајн верзија

Microsoft објави дека нивниот популарен Office пакет (Word, Excel, PowerPoint и тн...) наскоро ќе добие своја онлајн варијанта.

Со ова, компанијата планира да им конкурира на добро функционалните веб апликации на Google Docs (екс-Writely) и Zoho, кои веќе стекнаа огромен број на корисници.

Интернет верзијата на овој уредувачки пакет на Microsoft е наречена едноставно Office Web, а треба да се појави следната година симултано со објавувањето на новата верзија на Office 14.

Веб верзијата ќе се состои од поедноставени верзии на Word, PowerPoint, Excel и OneNote, а нејзиното користење (според очекувањата) нема да биде бесплатно или без типичното маркетиншко малтретирање.

Во Microsoft се размислува за два типа на плаќање за користење на услугите на Office Web - првиот е базиран на годишна претплата за користење, а вториот модел би требало да вклучува негово бесплатно користење преку гледање на еден куп реклами.