Петок, 31.10.2008
Шефот на демократската партија во Мичиген им се извини на потенцијалните гласачи кои свртеле на инфо бројот поставен на рекламниот флаер за Барак Обама, бидејќи наместо информации - добиле хот лајн.
Портпаролката на демократската партија Лиз Кер изјави дека дошло до грешката при печатењето на рекламните флаери на демократската партија во Мичиген и дека бројот кој е наведен не е точен. Луѓето кои се обиделе да дознаат информации за партијата добиле жешки женски воздишки.
Кер и се извини на јавноста во име на партијата.
На рекламниот флаер од летокот освен жешкиот број се наоѓал и формулар за пријава за луѓето кои на денот на изборите ќе бидат отсутни, фотографии од Обама, сенаторот Карл Левин кој повторно се кандидира во Сенатот и Дајана Хедавеј, кандидатка на демократите за Врховниот суд.
