Компјутерските вируси во голем пораст

Вторник, 04.11.2008

Извештајот од истражувањето за сигурноста кое го спроведе Microsoft откри поразителни резултати за порастот на компјутерските вируси, црви и тријанци, и тоа за 43%.

Во извештајот на Microsoft стои дека и покрај унапредената сигурносна заштита на оперативните системи, во минатата година дошло до пораст на вирусите за 43%. Причина за зголемената несигурност е концентрацијата на креаторите на вирусите врз индивидуалните програми и поединечните корисници.

Од вкупниот број на зарази со малициозен софтвер, 90% се однесувале на поединечни програми, додека само 10% од нападите биле насочени кон оперативни системи. Неразвиените земји се почувствителни на компјутерските инфекции, па затоа стапката на заразеност во Јапонија е 1,8 на 1.000 компјутери, додека во Авганистан на пример изнесува 76,4 на 1.000.

Во последните 6 месециголем пораст на заразени компјутери е забележан во САД, поточно 25,5%, каде стапката на заразеност е 11,2 од 1.000 компјутери.

Затоа, правете редовен апдејт на антивирусните програми и внимателно при отварањето на разни линкови и приврзоци кои доаѓаат во електронската пошта, па дури и кога доаѓаат од проверени извори.