Петок, 07.11.2008
Вчера во Ливерпул беа доделени 14-те по ред MTV европски музички награди. Пoбедници на овогодинешното доделување се Бритни Спирс и рокерите 30 Seconds to Mars. Бритни освои награди за најдобар албум и за изведувач на годината.
Бендот 30 Seconds to Mars се прогласени за "најжешки" изведувачи и најголеми видео ѕвезди.
Церемонијата ја отвори сеприсутната Кејти Пери која се најде во улога на водителка. Во живо го изведе својот планетарен хит "I Kissed a Girl", но како и многу свои колешки, покажа дека пеењето во живо не и е силна страна. Водителството и одеше нешто подобро, посебно кога "случајно" ги откри своите гаќички. А јаваше и на бананата :)
Доделувањето на наградите започна со изненадување, па наградата за најзаразна песна ја освои Пинк со малку приглупиот хит "So What?". Со обзир дека во конкуренција за наградата беа и многу повеќе "заразните" "I Kissed a Girl", "All Summer Long" и "Mercy".
За најдобра концертна група беа прогласени младите ѕвезди Tokio Hotel кои својата популарност и ја должат токму на MTV.
Верувале или не, Бритни има најдобар албум
Крег Дејвид ја додели наградата за најдобар албум. Оваа година тоа е "Blackout" на Бритни Спирс. Треба да се спомне дека публиката ги бира добитниците со своите гласови преку интернет.
За најдобар урбан изведувач според гласовите на публиката е избран Канје Вест.
Омилен изведувач на публиката за 2008 е Бритни Спирс (аман), а од раката на Боно Вокс, признанието за животно дело го доби Пол Макартни.
Најголемото разочарување го доживеа младата и надежна пејачка Дафи, која не освои ниту една награда, иако беше номинирана во повеќе категории. Публиката на MTV очигледно повеќе сени слаби гласчиња и "тралала" песни на Кејти Пери и Бритни Спирс.
Доделувањето на наградите на местото на настанот го следеа оклу 10.000 луѓе, додека пред малите екрани тоа го сторија преку 30 милиони гледачи од цела Европа.
