Понеделник, 17.11.2008
Неколку вработени во фабриката на Мерцедес-Бенц во Синделфинген се осомничени дека намерно предизвикале расипување на автомобилите со цел "да отворат работа" за надворешна компанија која би била повикана да ги поправи, објави обвинителот.
Осомничените кои се вработени во одделот за контрола на квалитетот на Дајмлеровата фабрика, за она што го правеле - како што покажуваат првичните сознанија, биле добро наградувани со скапи поклони и патувања, кои пак германскиот автомобилски гигант го чинеле милиони евра загуба.
Не е познато како е откриена шемата на вработените, нити се знае колку долго го остварувале планот, односно колку неисправни автомобили се пуштени во продажба со одобрување за квалитет од Мерцедес-Бенц .
Она што сепак се знае е дека фирма со традиција на квалитет како Мерцедес, чии автомобили важат за "бесмртни", сигурно не би си дозволила ваква ефтина манипулантска тактика за екстра профит на поединци кои делувале тимски со некои сервисери на Мерцедес.
