Според поранешниот соиграч Роб Ли, иконата на Њукасл Алан Ширер е на потесната листа за нов менаџер на клубот.
Уште од времето кога поранешниот напаѓач на англиската репрезентација и легенда на Њукасл Ширер ги обеси копачките на клинец и реши да се повлече од активното играње фудбал, кружат гласини и шпекулации за негово враќање на Тунсајд, но како менаџер и повторно предводник на тимот, овој пат од клупата.
Ширер сепак се оградува од таквите гласини и во последната изјава кажа дека сака место во BBC тимот, кој се фокусира на коментирање на фудбалски натпревари, анализа на англискиот фудбал и откривање на англиски таленти во најважната споредна работа на светот.
Роб Ли, поранешен колега на Ширер од деновите кога двајцата играа за Њукасл, верува дека сопственикот Мајк Ешли може да ја смири ситуацијата во клубот и да ја врати довербата кај навивачите ако го постави Ширер за менаџер, откако ќе заврши в.д. периодот на Џо Кинеар.
„Да, Алан Ширер ќе биде тренер на Њукасл“ изјави Ли за „The Mag“, магазинот на фудбалскиот клуб Њукасл. „Мајк Ешли ќе реши еден куп проблеми со самото поставување на Алан и ако прифати дека направи грешки при водењето на клубот“ додаде Ли.
