Триесет и три милиони луѓе во светот денес живеат како ХИВ позитивни, а 10 проценти од нив оваа болест ја стекнале со инјектирање дрога. Република Македонија не е настрана од светските движења во оваа област.
- Возрасната границата на корисниците на дроги се намалува постојано, а во 2002 година се евидентирани корисници на 12-13 годишна возраст, истакна др. Анета Тркачева на работнилницата што денеска се одржа во Кичево, посветена на правенцијата и намалувањето на штетите од користењето дроги.
Состојбите во Република Македонија се исто така загрижувачки.Од 1969 година до денес евидентирани се 8.345 корисници на дрога, а најголем дел од нив се зависници од хероин. Во Кичево има евидентирано 121 корисник на дрога, од кои најголем дел се корисници на марихуана.Во земјава се евидентирани 107 случаи на заболени од СИДА, од кои 59 се веќе починати.
Програмата за намалување на штетите од користење дрога се спроведува во Кичево, Прилеп и Велес, при што на корисниците на интревенозни дроги им се делат бесплатни шприцеви со кои се прават напори да се намалат штетите кои веќе се предизвикани во нивниот организам но и за нивната околина.
