Петок, 21.11.2008
Компанијата HP го пушти во продажба HP TouchSmart TX2 - Tablet PC кој има дисплеј на допир со мултитач поддршка. Исто како дисплејот на iPhone, мониторот на HP TouchSmart TX2 е базиран на "capacitive touchscreen" технологијата.
Мониторот на ТX2 е со големина од 12.1 инчи и резолуција од 1200х800, а уредот има 2.1GHz AMD Turion X2 процесор, ATI Radeon HD 3200 графичка и тврд диск со капацитет од 500GB.
Освен ова, HP TouchSmart TX2 е опремен со стандардниот прибор кој се наоѓа кај секој помодерен ноутбук: вебкамера, Wi-Fi конективност, Bluetooth, DVD-RW и нсталиран Windows Vista оперативен систем.
Во САД ќе чини 1.149 долари.
