Откако на Microsoft не му успеа да го превземе Yahoo, компанијата реши да продолжи понатаму - најновата пикирана "жртва" е Facebook.
Kaко што објави Wall Street Journal, од компанијата на Гејтс веќе испратиле покана за преговори до Facebook за да видат дали се заинтересирани за евентуална аквизиција. Засега, ниту Facebook, ниту Microsoft не сакаат да ја коментираат оваа информација.
За потсетување, кон крајот на минатата година Microsoft купи мал удел во оваа страница за 240 милиони долари, а Facebook e проценет на дури 15 милијарди долари.
Очигледно, од Microsoft превземаат чекори за да му се приближат на Google, па бидејќи не им успеа со аквизиција на Yahoo, ќе се обидат со превземањето на една од најпопуларните друштвени страници.
Oбјавено на: 09.05.2008
