MySpace го доби судскиот спор вреден 234 милиони долари во кој го тужеше кралот на спамот Сенфорд Валас.
MySpace го доби судскиот спор откако Валас неколку пати одбил да се појави на суд. Целата приказна започнала во март минатата година кога со помош на неговиот колега Волтер Рајнс испратил 735.925 спам пораки на сите корисници на оваа он-лајн заедница, во кои биле рекламирани разни производи.
Казната во износ од 234 милиони долари е најголемата досега изречена пресуда во судски спор против спамери. Хеманшу Нигам, првиот човек на МySpace задолжен за сигурност изјави дека не верува дека казната ќе биде некогаш наплатена, но пораката која ја добиле сите спамери е многу повредна од 234 милиони.
Сенфорд Валас го заработи надимакот "Спамфорд" и "Кралот на спамот" во текот на деведесеттите, кога ја користеше својата компанија Cyber Promotions за испраќање 30 милиони несакани пораки.
Среда, 14.05.2008
