Скопје, 17.05.2008 (Макфакс) - Македонската влада наложи во изборната кампања да се прекинат сите владини кампањи за поддршка за политиките во образованието, здравството и друго.
Портпаролот Ивица Боцевски соопшти дека владата одлуката ја донела „почитувајќи ги принципите на фер и демократска изборна борба, како и сугестиите од јавноста“.
Налогот е даден до агенциите задолжени за изготвување и спроведување на медиа-плановите за кампањите на владата, а доколку се утврдат некакви прекршувања од страна на агенциите ќе следат соодветни санкции предвидени во договорите.
